Veteran-actress Alicia Alonzo, hingpit nang gitalikdan ang showbiz industry!
HINGPIT nang gitalikdan ni veteran-actress Alicia Alonzo ang showbiz Industry!
Kasamtangang nagsilbi si Alicia isip Catholic sister sa Caryana Monastery sa Magalang, Pampanga.
Dili ordained si Alicia apan nagkuha kini og religious vows ug nagpuyo nga susama sa usa ka madre.
Matud sa veteran actress nga napalgan niini ang kalinaw ug kalipay nga gipangita.
Dumduman nga nagsugod ang showbiz career ni Alicia niadtong dekada 60 ug gibana-banang gatusan ka pelikula na ang nahimo.
Nakakuha kini og acting nominations gikan sa nagkalain-laing awards-giving bodies sama sa Film Academy of Movie Arts and Sciences Awards kon FAMAS, Gawad Urian, ug Philippine Movie Press Club.
Midaog kini isip Best Supporting Actress sa Metro Manila Film Festival niadtong 1983 sa pelikulang “Bago Kumalat ang Kamandag”.
SOURCE: PEP.PH
Photo Source: PEP
