MMA, gilaumang malakip sa unang higayon sa Asian Games 2026!
GILAUMANG malakip sa unang higayon ang Mixed Martial Arts kon MMA sa Asian Games 2026 nga ipahigayon sa Nagoya Japan!
Matud sa Olympic Council of Asia kon OCA, nga kabahin kini sa padayong pagbukas sa Asian Games sa mga bag-ong sports sama sa paglakip sa e-sports sa Hangzhou Games niadtong 2023.
Magpabilin usab sa programa ang dula nga cricket, taliwala sa kontrobersya sa 2023 games, lakip ang dili patas nga resulta ug pagdaog sa India sa men’s final tungod lamang sa ilang taas nga ranking human nakanselar ang dula tungod sa ulan.
Ipahigayon ang cricket sa Aichi Prefecture, apan wala pay eksaktong venue.
Hisayran, nga ang Nagoya ang ikatulong ciudad sa Japan nga mag-host sa Asian Games human sa Tokyo niadtong 1958 ug Hiroshima niadtong 1994.
SOURCE: SMNI NEWS
Photo Source: ROTHWELLMMA
