Grand Ease of Doing Business Fair, ipahigayon karong adlawa!
IPAHIGAYON sa Oro-Trade Investment and Promotions Center kon ORO-TIPC ang Grand Ease of Doing Business kon EODB Fair karong adlawa sa City Tourism Hall ning ciudad!
Magsugod alas 8 sa buntag hangtod alas 5 sa hapon.
Lakip sa mga serbisyong itanyag sa fair ang pag-issue og bag-o ug renewed business permit, tax clearance, pagkolekta sa mga buhis, pag-issue og bag-o ug renewed sanitary permit, building permit, zoning clearance for business permit, pag-notaryo sa mga dokumento ug uban pa.
Magtanyag usab ang national government agencies og serbisyo sama sa pag-enroll og e-card sa GSIS ug SSS, pagrehistro sa Pag-IBIG, PhilHealth, pag-apply sa loan sa Pag-IBIG , Landbank, pag-issue og birth certificate, marriage certificate, national ID, pag-enlist sa libreng Theoretical Driving Courses sa LTO.
5.Matud ni ORO-TIPC Head John Asuncion nga hiniusang inisyatiba kini sa lokal nga pangagamhanan sa ciudad, Anti Red-Tape Authority kon ARTA ug usa ka iladong shipping company.
Nunot sa kasaulogan sa EODB Month.
“..Atong una nga event ang tawag nato ana is grand EODB is Ease of doing business. Ang kini siya in line ang programa sa ARTA Anti Red Tape Authority, sila nidoul sa atoang buhatan para gusto mag take ug collaborate para sa kini siya, to which the City happily and willingly collaborated with ARTA kay national mani siya then to celebrate the EODB month. Mao nani karun ang atoang mga dagko nga ahensya specially kaning mga National Government Agencies nga doulan para sa mga negosyante para sa ilang negosyo naa dri ugma..”
ORO-TIPC Head John Asuncion
SOURCE: CIO
Photo: Oro-TIPC
