Duha ka pamaagi aron makunhoran ang electricity rates sa Pilipinas, tutukan sa ERC!
TUTUKAN sa Energy Regulatory Commission kon ERC ang duha ka pamaagi aron makunhoran ang electricity rates sa Pilipinas!
Matud ni ERC Chairperson Monalisa Dimalanta nga decarbonization ug democratization sa rates ang duha ka pamaagi.
Ubos sa decarbonization, maghatag dalan ang DOE ug ERC sa dugang renewable energy sources ngadto sa energy mix sa nasud.
Samtang sa democratization, tugutan ang kunsyumante nga mopili og suppliers sa kuryente nga nagtanyag og ubos nga presyo inay electric cooperatives ug distribution utilities.
Apan gi-angkon ni Dimalanta nga bisan sa pagdugang sa renewable energy sourcing ug democratization pabiling adunay captive consumers nga magsalig sa electric coops ug utilities.
Hinungdan nga padayong monitoron sa ERC ang rates pinaagi sa pagpahigayon og audit ug pag-repaso sa power supply agreements aron mabantayan ang pagkonsabo sa mga industry players.
SOURCE: ABS CBN NEWS
Photo: Inquire
