Usa ka tulisan nga nanulis sa usa ka truck driver sa Tagoloan, Misamis Oriental, napusilan-patay!
NAPUSILAN-PATAY ang usa ka tulisan sa Barangay Casinglot, Tagoloan, Misamis Oriental!
Naila ang suspek nga si Mark Jovet Cantiveros, 22-anyos ug residente sa Baloc-Baloc, Barangay Puerto ning ciudad samtang giila ang Pulis nga si Police Staff Sergeant Oscar Kent Mabayo.
Base sa inisyal nga imbestigasyon nga nanulis ang suspek sa usa ka truck driver, nga si Leo Aguilar, 74-anyos ug lomolopyo sa San Vicente sa susamang barangay, nadala sa suspek ang balor 8,000 pesos nga salapi.
Human niini nagpakitabang ang biktima ug usa ka pulis nga kasamtangang ana-a sa pinuy-anan ang nakadungog ug gilayong miresponde dala ang issued firearm.
Nakita niini ang suspek sa usa ka bakanteng luna nga misulay pag-ambak sa semento nga koral.
Gipahibalo niini ang suspek nga usa kini ka police officer apan gibaliwala ug giti-onan sa suspek og armas.
Hinungdan nga gipusil ni Mabayo ang suspek sa wala nga paa aron ma-neutralize.
Matud ni Misamis Oriental Police Provincial Office kon Mis. Or. PPO Spokesperson Police Capt. Geraldine Botanas nga gidala ang suspek sa hospital apan gideklarar nga dead on arrival.
“..Nakita siya didto nga ang maong suspect nag try og point sa iyang armas sa isa ka pulis, so mao to napusilan ang maong suspek sa iyahang paa na bahin. Nag respondi pod ang ang MDRRMO sa Tagoloan, gidala ang suspect sa Central Hospital. Pag-abot didto ang suspect was declared dead on arrival by the attending decision…”
Mis. Or. PPO Spokesperson Police Capt. Geraldine Botanas
SOURCE: #19
Photo: Tagoloan MPS
