Usa ka Pedestrian nabanggaan sa bus sa Malaybalay City, patay!
PATAY ang usa ka pedestrian human nabanggaan sa usa ka bus sa Sayre Highway, Zone 4, Kalasungay, Malaybalay City Bukidnon!
Biktima usa ka lalaki, 29 anyos ug residente sa nasangpit nga lugar samtang gimaneho ang bus sa usa ka 51-anyos.
Base sa inisyal nga imbestigasyon nga naglatas ang bus gikan sa Maramag Bukidnon paingon sa Cagayan de Oro City.
Pag-abot sa lugar sa insidente, kalit lamang mipatunga ang biktima ug misu-ong ilawom sa bus rason nga nalayatan ang ulo nga hinungdan sa hinanaling kamatayon.
Matud ni Malaybalay City Police Station Spokesperson Police Master Sergeant Ken Hanzel Bughaw nga giingong gibulagan ang biktima sa hinigugma.
“… Ah yes…. mga alas 7 medya sa buntag kadawat kitag tawag nga adunay panghitabo zone 4 kalasungay ning atong syudad sa malaybalay. Ang na involve ani isa ka lalaki baynte nwebe anyos ug ning isa ka bus nato. Kining pag imbestigar sa atoang duty imbestigator didto sa maong lugar kaning atong biktima… makita ninyo sa CCTV is niatang jud siya daplin sa dalan dayun pag abot sa pag approaching kining atong bus gi-atngan jud niya nisuong gyud siya sa ilalom mao toy hinungdan nga naligsan jud kining atoang biktima sa ulo na parte, kining atoang bus gi try pa na moliko sa pikas side pero wala gyud natabang gyud…”
Malaybalay City Police Station Spokesperson Police Master Sergeant Ken Hanzel Bughaw.
SOURCE: SBPSH
Photo Source: GOOGLE
