Usa ka babaye sa Mambato, Agora Brgy. Lapasan gitigbas-patay!

GITIGBAS-PATAY sa usa ka lalaki ang usa ka babaye sa Mambato, Agora Barangay Lapasan ning ciudad!
Ang biktima usa ka minor de edad nga giigong taga El Salvador City Misamis Oriental.
Samtang naila ang suspek nga si Sonny Boy Ratunil Sr. o alyas Boy Tangkong, 62 anyos ug laborer, residente sa nasangpit nga dapit ug kanunay nga mahubog.
Matud sa usa sa residente sa lugar nga si Egard nga naka-angkon sa samad tinigbasan sa liog ang bata.
Igo na lamang nila gibira ang bata human gilubong sa basakan.
Una niini, gipa-ila ni alyas Boy nga uyab ang nasangpit nag minor de edad.

“..Gi sidsid namo kay taga diri man, pag kuan sa ilalom gi kapay kapay namo didto wala man, wala pa so wala ni, basin naka dagan, niingon man to nga naa diha sa unahan kanang gi tabunan ug gabi, ikaw lang bi kay ma hadlok ko ana ko, kay syempre hadlok baya kay 1st baya nato nga kuan mo kuan ug patay, iya man gi kuan nga naa gyud, pag hikap niya sa tubig, pag ana-ana niya sa ilalom, buhok man iyang na hawiran, atras siya, nya ako tulala ko, balik ko taud tauran gyud, ni ingon man siya nga kita duha bi, unya sge kita duha pag ana, pag bira gyud nako sa ilalom mao gyud diay bata patay, akong gi bira gi ana nako paingon didto, gi bira nako tiil. Sus pag tanaw nako bata gyud bay, babae tanaw nako sa iyang samad diri, dako kaayo samad niya diri sa liog ba, confirm gyud nga patay bata pa kaayo, naa pa sa 12 yrs old…”
Alyas Egard, usa sa residente sa lugar

Nagpadayon ang pagpangita sa kapolisan sa suspek.
Matud ni ni Police Station 3 Agora Commander PMaj. Amier Naifh Maruhom nga misibat ang suspek dala ang sundang nga gigamit sa krimen.

“..April 27 naay isa ka witness nga nag ingon nga nakita niya tong suspek kauban ang biktima, so mao toy information nga nakuha nato no, kay ang iya mang gi paila is iyaha dawng uyab, investigation is padayun pa gyud, so nag hinaot mi nga katong naay mga information nga nahibal-an regarding sa circumstances sa panghitabo sa krimen, nganong naa diri ang minor, hinaot mi nga mo doul mo sa kapulisan sa Police Station 3 Agora para mag hatag ug information para ma sulbad. Suspect ang atong na ilhan is Sanny Boy Ratunil, usa kini ka 62 years old, laborer sa isa ka shipping lines…”
Police Station 3 Agora Commander PMaj. Amier Naifh Maruhom

Samtang, giklaro ni El Salvador City CDRRMD Head Teddy Bombeo nga dili susamang indibidwal ang biktimang namatay ug ang tag-iya sa ID nga nakit-an sa crime scene.
Tungod dako kining buhi nga kasamtangang anaa sa ilang ciudad.
Giingong gikuha lamang sa namatay nga babaye ang nasangpit nga ID.

SOURCE: SR LIVE
LIVE REPORT: #19 JMB
LIVE INTERVIEW: EL SALVADOR CDRRMD HEAD TEDDY BOMBEO
Photo: SR FILES