US President Trump, nagbahad sa China nga magpahamtang og 50 porsyento nga taripa kung dili bakwi-on ang 34 porsyento nga counter-tariff!
GIBAHARAN ni US President Donald Trump ang China nga magpahamtang og bag-ong 50 porsyento nga taripa sa mga Chinese product nga I-import sa Amerika!
Kung dili bakwi-on ang 34 porsyento nga counter-tariff.
Nunot kini sa padayong pag-ubos sa global markets.
Gihatagan lamang ni Trump ang China hangtod karong adlawa sa pagbakwi sa countermeasure o mag-atubang kini sa 50 porsyento nga tax.
Hisayran, kung tumanon ni Trump ang hulga, mag-atubang ang mga kompanya sa Amerika og kinatibuk-ang rates nga 104 percent sa Chinese imports, nunot sa 20 porsyento nga taripa nga gipahamtang niadtong Marso ug 34 porsyento nga gi-anunsyo miaging semana.
Samtang, gibaliwala sa China ang bahad sa Amerika.
Gikahadlokan nga makapagrabe kini sa trade war tali sa duha ka nasud nga adunay pinakadakong ekonomiya ug global rivals.
SOURCE: BBC NEWS
Photo Source: PBS
