Pilipinas nagpadala og rescue team sa Myanmar!
MIBIYAHI kaganihang sayo sa buntag paingon Myanmar ang Philippine Inter-Agency Humanitarian Contingent kon PHIAC team!
Aron motabang sa pagpangita, pag-rescue ug retrieval operations sa nahitabong 7.7 magnitude nga linog, Marso 28.
Gipahigayon ang send-off ceremony sa Philippine contingent sa Colonel Jesus Villamor Air Base sa Pasay City.
Matud sa Philippine Air Force nga ang 91 ka personahe sa team gilangkuban sa specialista sa nagkadaiyang sektor.
Tulo gikan sa OCD, 10 sa Philippine Army, 11 sa PAF 505th Search and Rescue Group, 10 sa BFP Special Rescue Unit, 10 sa MMDA, 15 sa DENR ug 32 ka medical personnel sa DOH.
Samtang, matud ni OCD administrator Undersecretary Ariel Nepomuceno nga pamaagi kini aron ipakita ang pagtinabangay sa silingang nasud.
Katungdanan kini isip kabahin sa Association of Southeast Asian Nations.
“…Ang ating paraan pagpapakita natin ang ating pagtulungan sa ating kapitbahay dahil ito ay kasama ng ating sinasabing one ASEAN, one response,.. Ito’y tungkulin natin bilang magkakasama sa Association of Southeast Asian Nations. Ang ating bansa ay handang tumugon…”
OCD administrator Undersecretary Ariel Nepomuceno
SOURCE: ABS CBN NEWS
Photo Source: NBC NEWS
