Onion research and extension center, planong tukoron sa DA!
PLANO sa Department of Agriculture kon DA nga magtukod og pinakaunang onion research and extension center sa tinguhang pagpalig-on sa nasangpit nga industriya!
Base sa news release nga gipagawas, gibutyag ni Agriculture Secretary Francisco Tiu Laurel Jr., nga ang proposed research and extension center tukoron sa Bongabon, Nueva Ecija, pinakadako nga onion producer sa nasud.
Gawas sa research and extension center, misaad ang Kalihim sa pagdoble sa pondo alang sa pagpalit sa pherome lures nga nagkantidad og 5 million pesos aron matabangan ang mga mag-uuma sa sibuyas sa pakigbatok sa army worms o ulod.
Gisugdan usab sa buhatan ang pagpangita og maayong liso sa sibuyas aron sa pagtabang sa mga mag-uuma sa pagtaas sa produksyon.
SOURCE: GMA NEWS
Photo: Manila Bulletin
