Misamis Oriental Governor Unabia, wala pa pormal nga madawat ang kopya sa gi-filed nga petition ug summons sa COMELEC!
GIKUMPIRMAR sa opisina ni Misamis Oriental Governor Peter Unabia nga nakadawat kini og impormasyon kalabot sa gidusong petition sa Commission on Elections kon COMELEC Task Force SAFE!
Apan sa karon, wala pa pormal nga madawat ang kopya sa gi-filed nga petition ug summons.
Base sa statement nga gipagawas sa Misamis Oriental Provincial Information Office nga pabiling giila nga Gobernatorial candidate sa lalawigan si Unabia.
Hugot ang pagsalig niini sa patas nga democratic processes.
Taliwala sa mga hagit, pabiling nakatutok ang Gobernador sa iyang mission sa matinud-anon nga pagdumala, inclusive programs ug tinu-oray nga pag-serbisyo sa lalawigan.
Una nang nanawagan ang One Bangsamoro kon 1Bangsa sa COMELEC nga aksyonan ang ilang verified intervention sa disqualification petition batok sa Gobernador.
Nunot sa joke sa nursing scholarship ug Maranao Community.
SOURCE: MIS OR PIO
Photo: Misamis Oriental Provincial Information Office
