MILF Commander Bravo mihatag reaksyon sa pamahayag ni Misamis Oriental Gov. Unabia kalabot sa Maranao!
MIHATAG reaksyon si MILF Commander Abdullah “Bravo” Macapaar batok sa pamahayag ni Governor Peter Unabia!
Kalabot sa mga Maranao atol sa gipahigayong rally.
Matud ni Commander Bravo nga dili pamulitika ang katuyoan sa mga kaigsunang Muslim ug igo lamang sila nanginabuhi.
Gidugang niini nga kung usa ka diplomatic ang nasangpit nga Gobernador, dili kini niya isulti sa isig-ka tawo.
“..Kung naminaw among igsoun nga Gobernador Unabia, sa sulti pa sa atong mga Maranao, mga Muslim, dli gyud na mahimo kana imong gi sulti, kay sa amoa pana kana imong gi sulti. Kay kung sa amo pa na kanang imong gisulti ang imong baba ana butangan nato Kanang kuan sa lubi. Kay kung ikaw isa ka Gobernador, isa ka diplomatic nga tao, dili na nimo ignon sa imong isig ka tao. Kanang imong gi himong Gobernador imong tumong ana butangan nimo ug kalayo ang mga Muslim ug mga Kristiano diha sa lugar nato diha sa Misamis Oriental. Kay ang tuyo sa mga Muslim mga Maranao man ug bisan unsa diha. dili politika ang ilaha nanginabuhi sa inyong mga lugar ug kung atong tan-awon ang lugar kining Luzon, Visayas, Mindanao lugar kini sa mga muslim…”
MILF Commander Abdullah “Bravo” Macapaar
Nanghinaot ang Commander nga mangayo og pasaylo si Governor Unabia ngadto sa mga kaigsuonang Muslim.
Aron wala’y mahitabo sa mga mosunod nga adlawa.
“..Mga Muslim, mga Christian nga brotherhood dili mahimo nga mo sulti ta sa imong idaut sa usa nimo ka tao, kay bawal na sa Bibliya ug bawal na sa mga Muslim. Kami nga mga Muslim ug kami ang mo sulti sa imoha na, na dili na nimo na ma dawat, kung dili nimo ma dawat pariha gyapon sa mga Muslim hina-ot nga ikaw Gobernador mangayog pasensya, pasaylo sa mga Muslim, ayaw butangi ug lain nga tumong ang imong mga sulti kay murag ang imong tuyo magka gubot ang mga Muslim ug mga Christian. Dili na namo gusto bilang ako ay isang Haligi ng BARMM Government hinaot unta nga ma sabtan nimo ang among gi sulti nga dili kana maayo. Pangayog pasaylo sa imong mga igsoun nga mga Muslim para walay mahitabo sa mga uban nga sunod na adlaw…”
MILF Commander Abdullah “Bravo” Macapaar
Samtang, wala pa’y gipagawas nga pamahayag si Governor Unabia sa nasangpit nga reaksyon.
SOURCE: Abu Mujahid Maulana Mamutuk
Photo: Abu Mujahid Maulana Mamutuk
