Mga produkto sa Pilipinas nga mosulod sa Amerika, pahamtangan og 17 porsyento nga taripa!

PAHAMTANGAN og 17 porsyento nga taripa ang mga baligya sa Pilipinas nga mosulod sa Amerika!
Ipatuman kini Abril 9.
Gipakita kini sa poster sa Trumps Truth Social page.
Taliwala sa nasangpit nga taripa, nagpabilin kining “discounted” reciprocal tariff itandi sa 34 percent rate nga gisingil sa Manila batok sa mga goods gikan sa US.
Hinuon, sa annex nga naka-attached sa statement ni Trump nga gi-post sa website sa White House nagpakita nga ang reciprocal tariff rate sa Pilipinas anaa sa 18 porsyento.
Mas taas ang tariff rate sa Pilipinas itandi sa 10 percent baseline tariff sa tanang imports sa US.
Sa datus sa Office of the United States Trade Representatives nagpakita nga ang US goods trade deficit sa Pilipinas anaa sa 4.9 billion dollars sa 2024, mas taas og 21.8 percent gikan sa 2023.
Samtang, matud ni Philippine Ambassador to Washington Jose Manuel Romualdez nga kasamtangang gi-assess sa embahada ang epekto sa taripa sa US sa nasud.

SOURCE: GMA NEWS
Photo Source: INQUIRER