Former Presidential Spokesperson Atty. Roque, giingong responsable sa pagpagawas sa “pulvoron video” ni PBBM, sigun sa usa ka vlogger!
GI-ANGKON sa vlogger nga si Pebbles Cunanan, nga si former Presidential Spokesperson Atty. Harry Roque ang giingong nagpaluyo sa pagpagawas sa “polvoron video” ni President Ferdinand Marcos Jr., sa publiko!
Gihimo ni Cunanan ang rebelasyon atol sa ikaupat nga hearing sa House Tri Committee sa pag-imbestigar sa fake news.
Matud ni Cunanan nga sa usa ka pribadong dinner sa HongKong nakahinumdum kini sa gisulti ni Roque nga “Magaling ako magpabagsak ng gobyerno”.
Rason nga dako ang pagtuo nga ang pagpagawas sa “polvoron video” ang gipasabot sa kanhing opisyal tungod wala silay laing gihisgutan.
Gidugang sa vlogger nga gibutyag ni Roque nga nakadawat kini gikan sa kabanay sa usa ka politiko og screenshot sa video, nga makita si PBBM nga migamit og cocaine.
Pagklaro ni Cunanan nga kung lantawon ang raw version sa video, dili masulti kung si PBBM o dili rason nga gi-enhance ang video aron motin-aw.
Apan nagtuo kini’ng dili si PBBM ang ana-a sa video tungod kung basehan ang timeline ana-a sa 30 o 40 ang edad sa Presidente, panahon nga wala pay cellphone.
“…Ang exactly nga sinabi niya dyan is nagkamali sila, magaling akong magbagsak ng gobyerno. Sa iyong interpretation, Paibos, nung gabi na yun, kung ano man ang pinag-usapan niyo doon, specifically, yung supposed photo na gumamit ng cocaine si PBM ay parte ng plano ng pabagsakin ng gobyerno ayon kay Harry Roque? Sa palagay ko po, Mr. Chair, parte po yun ang plano ng gusto nilang pabagsakin ng Presidente…”
Pebbles Cunanan.
Samtang, wala na gikakurat ni Roque ang pag-atubang ni Cunanan sa tricom hearing.
Matud ni Roque nga target na sa “political witch hunt” ang mga pro-Duterte vlogger ug influencer ubos sa administrasyong Marcos hinungdan nga nasabtan niini ang desisyon ni Cunanan.
Gipabulaan sa kanhi opisyal ang pipila ka akusasyon sa vlogger.
Gipamugos ni Roque nga opinyon ug pagtuo lamang ni Cunanan nga kini ang orihinal nga tinubdan ug nagpakatag sa “polvoron video”.
Gibatikos usab niini ang tricom tungod nagsalig lamang sa testimonya sa usa ka vlogger.
SOURCE: NEWS5/ABS-CBN NEWS
Photo Source: HARRY ROQUE
