12 million pesos giingong pakyas nga nahatag sa lokal nga pangagamhanan sa ciudad sa House of Hope Foundation Inc.!

BALOR 12 million pesos nga pondo ang wala nahatag sa lokal nga pangagamhanan sa ciudad sa House of Hope Foundation Incorporated!
Sugod 2022 hangtod 2025.
3 million pesos ang tinuig nga obligasyon sa lokal nga pangagamhanan sa HHFI alayon sa gipirmahang Memorandum of Agreement kon MOA.
Matud ni HHFI Direct Management Member Broder Wilson Amad nga nabalda ang operasyon sa foundation tungod sa kakulangon sa pondo.
Hinungdan nga gisingil sa kadagkoan sa foundation apan nagpabiling walay aksyon ang lokal nga pangagamhanan sa ciudad.

“..Sa dihang ni take over na ang atong city, pina-agi sa JRBGH, sa per MOA, memorandum of agreement, gi permahan ni Father Allan Pulgo ug sa atong administration, atong mayor adunay obligasyon matag tu-ig ang atong city government, sukad 2022 hangtod karun 2025, which wala pa ni siya na bayri, wala pa ma tagae tawon ,ang atong house of hopes. Mikabat kini ug 12 million, sukad pa last year wapa, sige lang man saad saaran nga naa ng checki, wapay perma, kana nga mga saad, adto pang usang tu-ig, last year pa mga December…”
HHFI Direct Management Member Broder Wilson Amad

Samtang giklaro ni JR Borja General Hospital Acting Chief Dr. Mike Perez nga financial assistance ang gipasabot sa pamahayag sa House of Hope Foundation Incorporated ug dili pondo sa operasyon!
Matud ni Dr. Perez nga 2023 nagsugod ang MOA tali sa kasamtangang administrasyon ug HHFI ug nahatag nila ang 3 million pesos niadtong milabay’ng tuig alang sa 2021.
Andam na usab ang 3 million pesos alang niadtong 2022.
Apan nadugay tungod sa liquidation.

“..And then ako na pong I clarify katong statement nga regarding sa tawag nga budget bato ilang gi ingon? Dili to siya budget kung dili financial assistance towards the house of hope foundation para sa mga MCM sisters. Lahi ang budget nga ginatawag for the operations. Actually budget for the operations nato, is on going man atong operations since last year paman gyud, kay atong latest MOA na under na na ni mayor Klarex, is didto na na siya sa 2023, services pud sa mga MCM sister. Ang atoang amount is actually since 2021, na hatag na nato ang 3 million last year pa, and then for 2022 naa na pud siya karun, kini nga nangadugay lang ni sila, kay liquidation kay financial assistance man gud, mag lisod man ang atong government to, di man ta pwede mo hatag lang without any liquidation, kay ma COA unya ta, the same time ang atong budget na for this year, which is para sa atong staff, para sa atong mga pasyente, intact and being well taken care of man…”
JR Borja General Hospital Acting Chief Dr. Mike Perez

SOURCE: #28
Photo: SR Files