Suspek nga midunggab-patay sa usa ka lalaki sa Barangay Tablon ning ciudad kasamtangang detinado!
KASAMTANGANG detinado ang suspek nga midunggab-patay sa usa ka lalaki sa Barangay Tablon ning ciudad!
Biktima giila nga si Joshua Jay, 20-anyos ug residente sa Purok 12, sa nasangpit nga barangay samtang giila ang suspek nga si Jerry Labor.
Base sa inisyal nga imbestigasyon nga nag-inom ang grupo sa mga biktima apan gibadlong kini sa suspek ug sa pag-umangkon tungod sa kasaba ug pagpanalaba og bato sa mga sakyanan.
Apan nasuko ang grupo sa mga biktima ug gitabangan og sumbag ang suspek ug ang pag-umangkon, mi-aparta ang inahan niini ug nagkadugo ang kamot.
Rason nga nonalarm ang suspek ug mikuha og kutsilyo sa ilang panimalay og gihimo ang krimen.
Naka-angkon og samad-dinunggaban ang biktima sa lawas ug laing usa samaran nga nakagawas na sa balay-tambalanan.
Matud ni Police Station 10 Cugman Investigator Police Staff Sergeant Landemar Jaraula nga posibleng ihan-ay karong adlawa ang kasong ipasaka batok suspek.
“..pahuman na unta silag inom naay report sa ila nga saba kaayo sila, pagpanguli nila malabyan nila nga mga sakyanan ilang hapakon saba kaayo. Unya alas 10 gi badlong ni siya, katong suspektado nato, pag badlong sa suspetsado, wala sila nagpatuo, kini sila nakainom naman ni sila niya, gi badlong dayon siya sa pag-umangkon sa suspetsado manawag na lang sa pulis para ipadakop na lang sila, nigawas pod daw ang inahan sa suspetsado nga manawag sila pulis para ipadakop sila, nigawas dayon ang inahan sa suspetsado kalit lang dayon katong suspetsado gisumbag siya sa kauban sa biktima dayon tong iyang pag-umangkon,gitabangan og kulata imbis namadlong ra sila, unya nigawas tong iyang mama sa suspetsado miaparta, mi badlong. Pag apar sa iyang mama, gigakos niya iyang pag-umangkon, inahan niya naay samad na dug, na alarma ang katong suspetsado mao tong dali-dali siya niadto sa sulod sa ilang balay kay nag kuha og kutsilyo..”
Police Station 10 Cugman Investigator Police Staff Sergeant Landemar Jaraula
SOURCE: #16
Photo: Cugman PS
