Panagbangga tali motorsiklo ug cargo truck, duha ka magtutungha patay!
PATAY ang duha ka magtutungha human mabangga ang gisakyang motorsiklo tali sa cargo truck!
Biktimang patay giila nga silang Glenn Ocmayon, 24-anyos, single ug Rey Madlos 21-anyos susamang lomolopyo sa Purok 4, Barangay Mampayag, Manolo Fortich Bukidnon samtang giila ang driver sa cargo truck Celso Villaseran Jr., 44-anyos ug residente sa Crossing Libona, Bukidnon.
Base sa inisyal nga imbestigasyon nga gikan sa ilang panimalay ang mga biktiman paingon sa eskwelahan pag-abot sa lugar sa insidente kalit lamang mi-left turn ang cargo truck ug aksidenteng nabanggaan ang motorsiklo.
Matud ni Manolo Fortich Municipal Police Station Traffic Investigator Police Staff Sergeant Dennis Dela Cerna nga nadala sa balay-tambalanan ang mga biktima apan gideklarar nga dead on arrival.
“..kaning motorcycle gikan sa ilang panimalay sa Mampayag padulong sa eskuwelahan sir mo eskwela na daw ni ganiha buntag which is pag-abot didto sa sa place of incident kaning ilang kasugat nga STW service nikalit ug liko didto pawala kumbaga kasulod sa field eight sa DMPI plantation, and then aksidente nga nabanggaan, na hit niya sng raider 150, pagka dumbol na pasok pa gyud sa ilalom sa sakyananan tong motorcycle o ang duha, driver ug back rider, murag na-deform man gyud tong back rider, dead on arrival sila sa declare sa doctor…”
Manolo Fortich Municipal Police Station Traffic Investigator Police Staff Sergeant Dennis Dela Cerna
SOURCE: SBPSH
Photo: Maps
