Pagpugong sa vote buying ug selling sa election, BSP gimandoan ang financial institutions nga palambu-on ang ilang surveillance ug monitoring measures!
GIMANDOAN sa Bangko Sentral ng Pilipinas kon BSP ang financial institutions nga palambu-on ang ilang surveillance ug monitoring measures!
Aron mapugngan ang insidente sa vote buying ug selling sa dili pa ang midterm elections karong Mayo.
Ubos sa Memorandum 2025-006, nanawagan ang BSP sa BSP-supervised financial institutions kon BSFIs nga magpatuman og lakang aron masiguro nga eksakto ang customer on-boarding processes, effective fraud management systems kon FMS, ug ang ongoing nga account ug transaction monitoring capabilities makatubag sa pagpangilad nga kalihukan.
Kinahanglan nga konsiderahon sa BSFIs ang scenarios nga susama sa concentration and significant number sa account registration sa mga areas nga rampant ang vote-buying ug vote-selling, dagko nga cash transactions and/or encashment sa cheke atol sa election period.
Lantawon usab ang talagsaon nga transaction flows tali accounts, digital bank banking, digital wallets lakip ang quantity ug frequency sa transactions ug ang talagsaon nga volume ug value sa cash in or cash out channels.
SOURCE: GMA NEWS
Photo: Philippine Star
