Hulgang pagpangatake sa Sudanese General, gikondenar sa South Sudan ug Chad!
GIKONDENAR sa South Sudan ug Chad ang pagpanghulga sa Sudanese General nga pagpangatake kanila!
Gibutyag ni Sudanese Assistant Deputy Commander in Chief General Yasir al-Atta atol sa iyang speech niadtong Dominggo nga lehitimong target sa militar ang airports sa Chad sa N’Djamena ug Amdjarass.
Gi-akusaran usab ang South Sudan nga gitagoan ang mga traydor.
Matud sa Juba nga usa ka dayag nga paglapas sa international law ang nasangpit nga pamahayag.
Subling gipamatud-an ang saad nga kalinaw apan nagpasidaan nga himuon ang tanang lakang aron mapanalipdan ang ilang soberanya.
Alang usab sa Chad nga ang nahimong pamahayag ni Atta mahimong hubaron o ma-interpret nga deklarasyon sa gyera.
Misaad usab kini og lig-on ug igo nga tubag sa bisan unsang pagpangatake.
SOURCE: Reuters
Photo: Reuters
