Head on nga panagbangga tali van ug prime mover truck sa Upper Puerto ning ciudad, duha ka tawo patay!
PATAY ang driver ug usa ka pasahero sa van human sa head on nga panagbangga tali Prime Mover truck sa Upper Puerto ning ciudad!
Biktima’ng driver naila nga si Elimie Roxas, 40-anyos, ug residente sa Gitagum samtang ang pasahero taga Alubijid, Misamis Oriental.
Matud ni COCPO-Traffic Investigator Police Chief Master Sargent Ryan Sevilleno nga unang nakabsan ang driver ug pagka-alas 10:15 sa kagabii nakabsan sa kinabuhi ang pasahero.
Base sa pamahayag sa driver sa prime mover truck nga posibleng tungod sa kadanlog sa dalan ang hinungdan sa pagkabangga sa van.
Misulod sa linya sa prime mover truck ang van.
Misulay pa ang truck sa paglikay apan wala na maapas.
“..actually duha sila casualty, ang una taga Gitagum then kining isa pod taga Alubijid Misamis Oriental, ingon sa driver katong truck murag tungod sa ka danlog sa dalan, so dihang dapita gyud labi nag taligsik danlog gyud ang dalan diha, mao na nga daghan na disgrasya diha. Nag ka head on gyud so kung makita nimo diri ang plastar sa sakyanan, maka ingon gyud ka nga imposible kaayo nga walay casualty kini nga pagka bangga. Nakita pud nato didto nga ni sulod gyud siya sa linya sa truck ang kining van. Actually kining truck ni action paman ug lihay base sa plastar, timailhan nga ni lihay gyud siya pero dili na gyud ma apas…”
COCPO-Traffic Investigator Police Chief Master Sargent Ryan Sevilleno
Samtang, matud sa igsuon sa biktima nga si Sherley Bukog nga kauban sa igsuon ang agalon nga magdeliver og bulak gikan sa Valencia Bukidnon paingon sa dakbayan.
“..Q: pero confirmed gyud nimo maam nga imong igsoun wala na?
:patay na gyud siya naa na sa morge karun, ilang i deliver diri sa Cagayan, Valencia man guro na gikan ang mga bulak nay pasahero ila pa Cagayan. oh ingana pakyaw na sila mag paingon na sila sa Kalilangan rag Talakag mana sila agi, pag balik diri na dayun sa Bukidnon kanang paingon na na sila diri sa Cagayan…”
Sherley Bukog igsuon sa driver sa van nga nakabsan sa kinabuhi
SOURCE: SRLIVE
Photo: SR Files
