Damyos sa nahitabong sunog sa Barangay Balulang ning ciudad, mikabat sa 600,000 pesos!

MOKABAT sa 600,000 pesos ang damyos sa nahitabong sunog sa Manggahan, Barangay Balulang ning ciudad!
Giingong nagsugod ang sunog sa panimalay ni Gino Abot.
Moabot sa 11 ka panimalay ang nalakip sa pagkasunog.
Miabot sa 2nd alarm ang fire alarm status.
Base sa inisyal nga imbestigasyon giingong wala ang tag-iya sa panimalay tungod nagtrabaho apan adunay mga bata ang nagdula-dula.
Matud ni Carmen Fire Station Chief of Operations SFO1 William Torralba nga adunay usa nga gitabang human nakuyapan.

“..initial investigation pa ang balay kuno kay Gino Abot dinhi daw na originate pero for verification pa ni, naa kuno 11 houses nga involve nga nasunog, alarm status 2nd alarm. Ang estimated damage naa more or less 600,000…”
Carmen Fire Station Chief of Operations SFO1 William Torralba

Samtang, gibutyag ni City Social Welfare and Department kon CSWD District 1 A Disaster Response Focal Person Kits Marie Maputol nga 53 ka individual ang biktima sa sunog nga kasamtangang ana-a sa Balulang outpost.
Matud ni Maputol nga magtanyag ang buhatan og mga basic necessities alang sa mga biktima.

“..base sa na gather nga information nga we collected naa tay 13 kabuok mga victims, households or families affected, so 11 ka buok ang totally damaged households ang naay 2 ka partially. So sa amoang buhatan o sa ahensya makahatag mi og mga assistance no, so we have relief assistance under ana naa tay food or non food, so basically makahatag ang mga basic necessities no, we have rice, mga can goods and then we also have to provide ang ilang mga clothing, hygiene kits and other things and also sad sa amoang ihatag nga provision sa social services sa mga nasunugan, we provide psychosocial support para ma- process ang mga trauma na feel sa atong mga fire victims…”
CSWD District 1 A Disaster Response Focal Person Kits Marie Maputol

SOURCE: SRLIVE
Photo: SR Files