Cagayan de Oro, usa sa napiling pilot city sa pagpatuman sa 49 pesos nga bugas matag kilo!
USA ang Cagayan de Oro sa napiling ciudad nga magpahigayon og pilot implementation sa 49 pesos nga bugas matag kilo!
Matud ni Cagayan de Oro City Price Coordinating Council kon CDO-PCC co-chair Atty. Egay Uy nga nagpatawag og meeting ang Department of Agriculture kon DA-10, kauban ang mga rice retailer.
Gisuta kung pila ang kita-on sa mga retailer kung ipatuman ang nasangpit nga presyo.
Giklaro usab ni Uy nga usa lamang ka variety sa bugas ang ibaligya sa 49 pesos matag kilo.
“..and then nahimog mga pilot City dinhi outside of the National Capital Region kining upat Cagayan de Oro, Malaybalay, Valencia ug Iligan City, na pangutana pilay landed cost sa mga importer, pilay ginansiyahon sa mga wholeseller kung moagi sa ila, then pilay ginansiyahon sa retailer pagbaligya nila ngadto sa konsumante, nasuta didto nga kung 49 pesos per kilo maximum selling price dili maalkansi ang kada agian sa bugas, dayon barato lugar ang pagpalit sa konsumante pero angay natong bantayan nga kini 49 pesos per kilo usa ra ka klase sa bugas ang gitumbok, 5 percent broken nga premium rice…”
CDO-PCC co-chair Atty. Egay Uy
SOURCE: SBPSH
Photo: SR Files
