15 ka public schools sa Davao City gisuspenso ang face-to-face classes karong adlawa alang sa prayer rally sa ika-80 nga adlaw’ng natawhan ni FPRRD!

GISUSPENSO sa 15 ka public schools sa Davao City ang face-to-face classes karong adlawa!
Alang sa prayer rally sa ika-80 nga adlaw’ng natawhan ni former President Rodrigo Duterte.
Ipatuman sa nasangpit nga mga tunghaan ang blended learning modalities.
Matud ni Davao City Schools Division Superintendent Reynante Solitario nga ang mga tunghaan lamang sa downtown area nga ma-apektuhan sa prayer rally ang nagsuspenso sa face-to-face classes.
Samtang, temporaryong sirad-an sa local government ang CM Recto Avenue gikan San Pedro St. hangtud Magsaysay Avenue ug Roxas Avenue gikan Quezon Boulevard hangtud C. Bangyoy St. alang sa kalihukan.
Epektibo ang road closure ala 1 sa hapon hangtud matapus ang event.
Gibana-bana sa Police Regional Office kon PRO-11 Davao nga laumang mo-abot og 100, 000 ang tawo nga mosalmot sa activity.
I-deploy ang 1, 800 ka police personnel aron maghatag seguridad.

SOURCE: GMA NEWS
Photo: SunStar