Tulo ka managlahing sunog sa Cagayan de Oro ug Misamis Oriental, natigayon karong adlawa!
TULO ka managlahing sunog ang natigayon sa Cagayan de Oro ug Misamis Oriental karong adlawa!
Unang sunog natigayon sa Barangay 33 ning ciudad.
Gibana-banang 50-mil pesos nga salapi ang lakip nga nasunog sa usa ka residential fire.
Human nasunog ang usa ka balay ug partially damage ang upat ka tindahan.
Matud ni Fire Station 1 Cogon Chief of Operations SFO1 Justino Dagoplo Jr., nga anaa sa 6-mil pesos ang structural damage sa nahitabong sunog.
Gipanag-iyahan sa pamilyang Agbalog ug Bacalso.
“..residential ni siya, sa luyo nagsugod dayun naay mga business dinhi sa atubang. Ang owner ani is Agbalog ug si Bacalso. Nag declare tag under control 9:57 1st alarm rani siya dayun fire out 10:21 so far ang estimated damage nas sa 6 thousand more or less kuan mani siya murag informal settler..”
Fire Station 1 Cogon Chief of Operations SFO1 Justino Dagoplo Jr.
Ikaduha nahitabo sa Barangay Iponan, usa ka residential fire.
Matud ni Bulua Fire Station Commander SFO1 Herman Fabre nga mikabat sa 54-mil pesos ang damyos sa sunog.
“..sunog natigayon sa Iponan Cagayan de Oro City, na received ang tawag mga 11 46 sa kabuntagon, one story residential house light material rani siya, owner si Crisilda, first alarm. 54 thousand more or less, sumala sa mga witnesses alas 11:30 sa buntag so far gitabangan naman sa mga silingan , pag abot namo kontrolado naman so atong gipalong pag tiwas ang kalayo…”
Bulua Fire Station Commander SFO1 Herman Fabre
Samtang, extinguished upon arrival ang nahitabong rubbish fire sa National Grid Corporation of the Philippines kon NGCP sa Barangay Natumulan, Tagoloan Misamis Oriental.
Matud ni Tagoloan Fire Station driver FO2 Mark Noel Quilab nga battery sa sakyanan ang nasunog ug hinuon gilayon kini’ng natabang sa mga empleyado sa NGCP.
“..NGCP didto sa Barangay Natumulan, pag-responding na mo pag-abot na mo didto sa area is fire out pag arrival, kato nga sunog natabangan sa mga empleyado didto sa taga-NGCP wala sad siya’y damage kay rubbish fire man siya mga waste material ang nasunog..”
Tagoloan Fire Station driver FO2 Mark Noel Quilab
Padayon pang gi-imbestigaran ang hinungdan sa mga insidente.
SOURCE: SR
Photo: SR Files
