Tulo ka managlahing sunog nahitabo sa ciudad kagahapong adlawa!

TULO ka managlahing sunog ang nahitabo sa ciudad kagahapong adlawa!
Unang sunog natigayon sa Ramonal Village, Barangay Camaman-an.
Mikabat sa kapin kon kulang 900,000 pesos ang damyos human napulo ka panimalay ang na-ugdaw nga miabot sa 3rd alarm.
Matud ni Nazareth Fire Station Arson Investigator FO1 Keith Jim Salce nga naggikan ang sunog sa lawak sa ikaduhang andana sa usa ka boarding house.

“..structural damage gi base nato walay labot sa mga gamit sa balay, kung establishment lang gyud ah mo abot siya ug more or less 900 thousand. base lang sa among basic information nga nakuha wala pa gyud nag finalize sa cause of fire. Sa mga statement sa naka kita, nahinabi namo mismo ganiha ang boarders, kung asa gyud nag sugod ang kalayo, na istorya nako si mr. Gabriel Madala, siya gyud ang una naka kita asa nag sugod, so sa ubos siya ang nag okyopar sa kwarto, sa taas niya nakita which is occupied by wala pud niya ilhan kay bag-o ra pud nga ga board diha, ah boarders gyapon, so nakita niya ang aso, tingala siya na nag kalayo na, pag saka niya iya sang i try ug palong pero di na ma tabang, come up sa amoa nga ang kwarto is puno ug mga gamit nga light materials kay paspas ni dako ang kalayo..”
Nazareth Fire Station Arson Investigator FO1 Keith Jim Salce

Natigayon ang ikaduhang sunog sa usa ka chicken restaurant sa Velez Street, Divisoria, hinuon walay natalang damyos human gilayong narespondehan sa CLIMBS Fire Volunteer.
Samtang, ang ikatulong sunog nahitabo sa boundary tali Ilaya ug Acasia Barangay Carmen.
Kapin kon kulang 300-mil pesos ang gibana-banang damyos.
Naglangkob sa duha ka totally damage nga boarding house ug duha ka partially damage nga residential house.
Usa sa tag-iya sa panimalay ang pamilyang Ragay.
Matud ni Carmen Fire Station Arson Investigator SFO2 Debie Mabulay nga usa sa ilang gilantaw nga anggolo ang appliances nga wala maibot sulod sa usa ka lawak sa boarding house.

“..Duha ka two story, duha kabuok ang e convert siya into boarding house. residential gyapon siya pero gi convert. Dili pako ka kuan kay ang na bantayan natong isa ka caretaker sa balay is kanang dako naman daw ang kalayo pag bantay niya nga naay sunog 300 thousand…”
Carmen Fire Station Arson Investigator SFO2 Debie Mabulay

SOURCE: SRLIVE
Photo:SR FILES