Total ban sa pagpatuman sa social services program sa gobyerno, gimando sa COMELEC 10 ka adlaw sa dili pa ang eleksyon!
GIMANDO sa Commission on Elections kon COMELEC ang total ban sa pagpatuman sa social services program sa gobyerno!
Gidili ang paghatag ug pag-apod apod sa ayuda sulo sa 10 ka adlaw sa dili pa ang Mayo 12 elections.
Apan dili lakip ang medical ug burial assistance.
Lakip sa i-ban ang Tulong Panghanapbuhay sa Ating Disadvantaged/ Displaced Workers kon TUPAD sa DOLE, Ayuda sa Kapos ang Kita Program kon AKAP, Assistance to Individuals in Crisis Situations kon AICS ug Pantawid Pamilyang Pilipino Program kon 4Ps sa DSWD.
Matud sa COMELEC nga makonsiderar nga vote-buying ug vote selling o pagpang-abuso sa resources sa estado ang pagpang-apod apod og tabang sa mga kandidato, kinsa incumbent elected officials o ilang kapikas o myembro sa pamilya sulod sa second civil degree of affinity or consanguinity o sa ilang ilado nga supporters o empleyado atol sa pagdili.
Samtang, sa susamang resolusyon, gimando sa COMELEC ang pag-ban sa pagpanag-iya, pagdala og salapi nga sobra og half million pesos o equivalent sa bisan unsang foreign currency, duha ka adlaw sa dili pa ang eleksyon.
SOURCE: ONE NEWS
Photo: Philippine Star
