Lalaki nga nalumos sa suba sa Malaybalay City Bukidnon, dead on arrival!

DEAD on arrival ang usa ka lalaki nga nalumos samtang naligo sa suba sa Sawaga River, Malaybalay City, Bukidnon!
Nagpangidaron ang biktima og 35, residente sa Purok 2, Barangay 3, sa nasangpit nga probinsya.
Base sa inisyal nga imbestigasyon, nga nakita sa duha ka pag-umangkon ang biktima nga milangaoy sa suba.
Apan human sa pipila ka minutos, nag-utaw-utaw na ang biktima.
Matud ni Malaybalay City Municipal Police Station Chief Police Police Lieutenant Col. Joepet Paglinawan nga nasuta nila nga adunay anxiety disorder ang biktima apan nagtuo sila nga aksidente lamang ang nahitabo.

“..sa find out namo nga naay anxiety disorder ning maobng biktima sa maong insidente o possibly nga katong nahitabo dili niya tinuyuan tungod lang ‘to nay siguro in relation to sa iyang gihambin nga balatian or gamay nga problema so karon among gi close na ang maong insidente all in all aksidente lang gyud. Lahi lahi silag ka busyhan atong panahona, natingala lang sila ang ilang uncle nag langoy na so in fact ang ilang pagtuo naglangoy lang man to..”
Malaybalay City Municipal Police Station Chief Police Police Lieutenant Col. Joepet Paglinawan

SOURCE: #28