IOC gigarantiyahan og provisional recognition ang World Boxing aron malakip sa LA 2028 Olympics!
GIGARANTIYAHAN sa International Olympic Committee kon IOC og provisional recognition ang World Boxing!
Usa ka dakong lakang aron malakip sa Los Angeles 2028 Olympics.
Gidumala sa IOC ang boxing competition sa Paris 2024 Olympics human gikuha gikan sa International Boxing Association kon IBA niadtong 2023 tungod sa pakyas nga pagpatuman sa reporma sa governance ug finance.
Apan wala gilakip sa IOC ang sport sa LA 2028 program, samtang gi-aghat ang national boxing federations nga magmugna og bag-ong global boxing body o nameligro nga mawala sa Olympics sulod sa tulo ka tuig.
Dumduman nga ang World Boxing, gilunsad niadtong 2023 ug adunay 78 ka myembro sa lima ka kontinente.
SOURCE: GMA NEWS
Photo:TV5
