Disqualification case batok Mayor Uy ug Kapitan Kikang, gisang-at ni Former City Councilor Ocon sa COMELEC Central office karong hapon!
NAGSANG-AT og disqualification case si Former Councilor Zaldy Ocon batok nilang Mayor Rolando “Klarex” Uy ug Barangay Carmen Kapitan Rainier Joaquin “Kikang” Uy sa COMELEC central office karong hapon!
Kalabot sa irregularidad nga pagsaka sa ihap sa mga botante sa Barangay Carmen.
Matud ni Ocon nga ang Kapitan ang namirma sa barangay certificate samtang ang Mayor ang nanawagan sa katawhan nga mobalhin sa nasangpit nga barangay.
Rason nga misaka ang mga botante.
“..akong gi file mga alas dos y medya siguro ang oras ganiha, disqualification batok sa amahan ug anak sa central office gyud Comelec Manila. Actually kanang sa COMELEC wala mana gi withdraw naa lay silay gi consider nga i review pa nila ang mga dokumento. Actually katong sa Comelec lahi to, lahi pod ni kay katong sa Comelec si Kikang Uy raman ang gi tumbok niato kani karon kay disqualification sila gyud duha kay makita nimo si Kapitan Kikang siya may namirma sa certificate sa barangay maoy hinungdan pirteng daghanang transfer sa barangay Carmen unya di makalimod public knowledge man gyud na sa ato sa Cagayan unya plus pa ang panawagan sa iyang amahan si Mayor Klarex na public knowledge gihapon na siya ng pagbalik-balik sa pag-ingon nga ah gusto mong ipadayon to, gusto mong padak-an balhin mo sa barangay Carmen ug tungod niato nga ma file gyud nato ang kaso…”
Former Councilor Zaldy Ocon
SOURCE: SBPSH
Photo: Zaldy Ocon fb
