CLENRO nanghinaot nga dili gamiton sa pamolitika ang problema sa basura!

NANGHINAOT ang City Local Environment and Natural Resources Office kon CLENRO nga dili gamiton sa pamolitika ang problema sa basura sa ciudad!
Matud ni CLENRO Manager Engr. Armen Cuenca nga nag-problema sila karon sa basura tungod sa daot nga dalan sa Barangay Lumbia.
Una nang nalangan milabay’ng semana ang pagkolekta sa basura sa ciudad tungod sa kusog nga ulan nga nag-resulta sa pagkaguba sa karsada sa Sitio Baluarte sa nasangpit nga Barangay.

“..karon mag problema na pud mi sa basura tungod sa dalan nga daut diha sa Barangay Lumbia, hinaot mi nga dili unta gamiton na pud sa politika kay bisan pa ug kung kamo ang nag dala dinhi sa dakbayan kana nga problema mao gyapon, so ayaw ninyo gamita no ayaw ninyo gamita, kay mao lage lisod kayo nga mag himo-himo mog istorya aron lamang mo advance ang inyong political ambition, so nang hinaot mi nga sabton sad sa mga katawhan nga ang atong delayed tungod sa pag hatod sa basura sa sanitary landfill tungod sa sitwasyon diha sa may Baluarte Lumbia…”
CLENRO Manager Engr. Armen Cuenca

SOURCE: GMCDO
Photo: SR Files