Bugas nga ibaligya sa Kadiwa center gikan og NFA posible’ng 34 ngadto 36 pesos ang kilo sigon sa DA-10!
POSIBLE’NG 34 ngadto 36 pesos ang presyo sa bugas nga ibaligya sa Kadiwa center gikan sa National Food Authority kon NFA!
Nunot sa deklarasyon sa food emergency.
Matud ni Department of Agriculture Regional Executive Director Jose Apollo Pacamalan nga ang presyo mag-depende sa Kadiwa centers tungod aduna silay post distribution.
“..ang ipekto niining food emergency, ang pag-release nianang NFA ngadto sa Kadiwa Center, mo Presyo kana ug kung wala ko masayop depende sa Kadiwa Centers no kay naa paman na silay cost of distribution na kana sa 34 ngadto sa 36. Ang ubang mga LGU nga ilang ge subsidize makapamubo pa ana ug akong ma hinumdoman ang probinsya sa Misamis Occidental. Himo sab ta og subsidy nga mibarato sa presyo niini kung wala kong masayop nasa 34, tungod kay gapamalit usab ang provincial government ug humay. So daghan gawas sa deklarasyon sa National Government ang mga provincial government sama sa Davao del Norte, Misamis Occidental namalit kini sila ug bugas aron usab matagaan ug subsidiya ang mga mag uuma sa ila, unya ang mga mag uuma gapamalit ug humay sa mga konsimidor aron affordable usab ang bugas nga ilang ma palit…”
Department of Agriculture Regional Executive Director Jose Apollo Pacamalan
Dumduman nga nag-deklarar ang DA National og Food Emergency aron matubag ang kalit nga pagsaka sa presyo sa bugas.
SOURCE: GMCDO
Photo: Rappler
