55 pesos matag kilo nga MSRP sa imported nga bugas, epektibo karong adlawa!
EPEKTIBO karong adlawa ang Maximum Suggested Retail Price kon MSRP sa imported nga bugas sa 55 pesos matag kilo!
Gikan sa kasamtangang 58 pesos matag kilo.
Gipahibalo kini sa Department of Agriculture kon DA samtang nagtinguha ang ahensya nga mas maubsan pa ang presyo.
Matud ni DA Assistant Secretary Arnel de Mesa nga ipatuman una ang MSRP sa Metro Manila ug palapdan ang coverage sa tibuok nasud sugod Pebrero 15.
Samtang, namahayag si DA Secretary Francisco Laurel Jr., nga human sa nasangpit nga pagkunhod, plano nila kining himuong 52 pesos matag kilo sa tunga-tunga sa Pebrero ug 49 pesos matag kilo human sa duha ka semana.
SOURCE: GMA News
Photo Source: PHILSTAR
