Tulo ka batang babaye sa Barangay Cayaga, San Fernando Bukidnon, nabanggaan-patay!
NABANGGAAN-PATAY sa usa ka cargo truck ang tulo ka batang babaye nga tinun-an sa Barangay Cayaga, San Fernando Bukidnon kaganihang udto!
Nagpangidaron ang mga biktima og singko (5), siete (7) ug nuebe (9) anyos samtang giila ang suspek nga si Reynaldo Kamaso, 41-anyos ug residente sa Kibawe, sa nasangpit nga probinsya.
Base sa inisyal nga imbestigasyon paingon ang mga biktima sa tunghaan ug giingong mitabok kini ug wala makabantay ang driver sa truck rason nga nabanggaan ang mga bata.
Matud ni San Fernando Municipal Police Station Officer In-Charge Police Major Christian Serdeña nga nadala sa balay-tambalanan ang mga biktima apan gideklarar nga dead on arrival.
“..sa incident area nabangga niya tung tulo ka minor, para ma-apprehend yung suspek at maimbestigahan na kung ano ba nangyari doon, according to the suspect Reynaldo Kamaso na hinay man na iyang dagan then nakalitan siya mao to. i re-review pa namin ang CCTV kung hinay ba o kusog iyang dagan…”
San Fernando Municipal Police Station Officer In-Charge Police Major Christian Serdeña
Samtang, as of 5pm karong hapon, nadakpan na ang suspek human nagtago sa kamaisan.
Gibutyag nga nahadlok ang suspek sa seguridad human daghan ang naggukod niini tungod sa nahimong krimen.
“…nag-conduct ng investigation and nidagan na atong suspect sa crime scene or sa incident area, nag hot pursuit og as of 5pm nadakpan na namo tong suspect sa kamaisan. Hadlok daw siya sa iyahang kinabuhi kay daghan ga gukod sa iya sa incident area..”
San Fernando Municipal Police Station Officer In-Charge Police Major Christian Serdeña
SOURCE: P.I/#8
Photo: Ronnie Moneva Catigbac
