Southeast Asian kon SEA Games gold medalist Mervin Maligo Guarte, gidunggab-patay!
GIDUNGGAB-PATAY si Southeast Asian kon SEA Games gold medalist Mervin Maligo Guarte!
Samtang natulog sa sala sa panimalay sa higala sa Sitio Pinagkaisahan Barangay Camilmil, Calapan City, Oriental Mindoro kaganihang kadlawon.
Matud ni Calapan City Police Office Chief Police Leutenant Col. Roden Fulache nga gidunggab sa dughan si Guarte sa wala mailang suspek.
Nakapangayo pa og tabang ang biktima sa silingan ug nadala sa Sta. Maria Village Hospital sa wala pa gibalhin sa Mindoro Medical Center kung asa gi-deklarang patay.
Migawas sa imbestigasyon nga midalikyat lamang ang atleta sa lugar aron makig-inom sugod Lunes sa gabii hangtud alas-tres sa kadlawon.
Gisuta sa kapolisan ang kauban og inom sa biktima aron masuta ang suspek ug motibo sa krimen.
Na-recover sa lugar ang kotsilyo nga gigamit sa pagpatay.
Dumduman nga midaog si Guarte og duha (2) ka silver medal niadtong 2011 SEA Games sa men’s 800-meter ug 1500-meter sa track and field.
Mibalhin gilayon kini sa obstacle racing kung asa nakadaog og gold sa 2019 SEA Games sa men’s 5 kilometer.
Kabahin usab kini sa team nga midaog sa 2023 SEA Games men’s team relay.
Hisayran nga myembro sa Philippine Air Force si Guarte.
SOURCE: ABS CBN News
Photo Source: PHILSTAR
