Planong pag-deklarar og food security emergency sa DA, suportado sa SINAG!

SUPORTADO sa Samahang Industriya ng Agrikultura kon SINAG ang planong pag-deklarar og food security emergency sa Department of Agriculture kon DA!
Ilabina sa bugas samtang nagpabiling taas ang presyo sa commodity.
Matud ni SINAG President Rosendo So nga ipa-ubos sa deklarasyon ang presyo sa bugas nga nag-ranged gikan sa 40 pesos ngadto sa 59.77 pesos matag kilo sa Metro Manila as of January 11, base sa price monitoring sa DA.
Dili lamang konsumante ang makapahimulos sa deklarasyon apan lakip na ang mag-uuma.
Tungod mopalit ang National Food Authority kon NFA og buffer stocks aron ihulip sa supply, kung mapagawas na ang kasamtangang stocks sa publiko.
Una nang gi-aprobahan sa National Price Coordinating Council kon NPCC ang resolusyon nga nag-aghat sa DA nga mag-deklarar og food security emergency sa bugas tungod pabiling taas ang presyo.

SOURCE: GMA News
Photo: GMA Network