Pagpusil ug pagdunggab-patay sa usa ka lalaki sa Tagoloan Misamis Oriental, posibleng drug related!
POSIBLENG drug-related ang motibo sa pagpusil ug pagdunggab-patay sa usa ka lalaki sa Zone 8, Barangay Sta. Cruz, Tagoloan, Misamis Oriental niadtong Enero 18, adlawng Sabado!
Biktima giilang si Gilberto Saniel Solis, 43-anyos, single, jobless, ug residente sa Zone 9 Sta. Cruz.
Base sa inisyal nga imbestigasyon, narekober sa crime scene ang duha (2) ka empty shell sa calibre 45, duha (2) ka misfired 9mm ammunition ug usa (1) ka unfired 9mm ammunition.
Nakuha usab gikan sa biktima ang improvised toter o aluminom foil nga gihimong straw, wooden stick, improvised knife ug needle, lighter, ug large and longated empty transparent cellophane.
Naka-angkon ang biktima og tulo ka samad-pinusilan sa wala (left) nga dughan , tuo (right) nga middle finger ug wala (left) nga kumagko.
Aduna usab samad-dinunggaban ang biktima sa ubos sa tuo (right) nga dughan, ug wala (left) nga tudlo.
Matud ni Tagoloan Municipal Police Station Police Captain Reczon Talines nga posibleng duha ka individual ang posibleng mibuhat sa krimen.
Padayong pang gipangita sa Kapulisan ang mga suspek ug ingon man ang imbestigasyon.
“…Sa crime scene naa tay na-recover nga duha ka sa caliber 45 fired cartridge case, duha ka misfired 9 mm ammunition ug isa ka unfired 9 mm ammunition. Sa iyang bag naa tay nakuha didto mga improvised toter, wooden stick ginagamit as clipper. improvised knife, improvised needle, lighter, large and elongated empty transparent cellophane. Naa siyay tulo ka gunshot wound diri sa left lower chest ang isa sa right hand sa may middle finger ang isa left thumb then naa siyay stab wound sa right lower chest and naa siyay incise wound. Ang angulo is possible duha, na may mga pusil naa pud stab wound dili man pwede isa ra ka tawo…”
Tagoloan Municipal Police Station Police Captain Reczon Talines.
SOURCE: SRLIVE
Photo: SRFiles
