Malacañang nanghinaot nga makatabang sa paghatag katin-awan sa isyu’ng gi-atubang sa nasud ang National Rally for Peace sa INC!
NANGHINAOT ang Malacañang nga makatabang sa paghatag katin-awan sa isyu’ng gi-atubang sa nasud ang National Rally for Peace sa Iglesia Ni Cristo!
Matud ni Executive Secretary Lucas Bersamin nga ang malinawon nga panagtipok, usa ka “bedrock right” nga gi-garantiyahan sa 1987 Constitution, gihigugma sa katawhan ug kanunay nga gisuportaran sa administrasyong Marcos.
Kumpyansa si Bersamin nga peaceful ug orderly ang ipahigayong rally sa INC sa nagkadaiyang parte sa nasud.
Kinahanglan nga dili mabalda ang rally human gimandoan ang concerned agencies nga motabang sa INC kung gikinahanglan.
Una nang namahayag ang INC nga himuon ang peace rally aron ipadayag ang suporta sa baruganan ni President Ferdinand Marcos Jr. nga supak sa impeachment ni Vice President Sara Duterte taliwala sa panagbangi sa politika.
SOURCE: GMA News
Photo: Frontpage PH
