Lawas sa 18 anyos nga nalumos sa Iponan river niadtong Dominggo, napalgan na!
NAPALGAN nga wala na’y kinabuhi ang 18-anyos nga lalaking gituohang naanod sa suba sa Bolao, Iponan niadtong Dominggo!
Biktima giilang si Vincent Racuya, 18-anyos taga Maramag, Bukidnon ug kasamtangang nagpuyo sa Zone 6, Bolao.
Nakit-an kini sa dike sa suba sa susamang Barangay.
Matud sa kaipon sa biktima nga si Jomarie Lubanga nga kahibalo molangoy si Vincent apan hinay og hangin.
Dako na lamang ang kakurat sa kaipon human masayri ang panghitabo tungod igo lamang nananghid ang biktima nga mag-repack og oil ug manglaba.
Kulob nga napalgan sa suba ang lawas sa biktima.
“…ana siya gyud ato nga mag repack daw silag oil dayon human nilag repack mag laba daw sila, natingala nalang ko nga nalumos na, pag uli nako gitagbo ko samong mga silingan nga akong bana nalumos na wala pagyud nakita, kabalo siya mo langgoy pero hinay siyag hangin…”
Jomarie Lubanga, kaipon sa biktima.
SOURCE: SR LIVE
Photo Source: SRLIVE
