Lalaki nga gituohang gibunalan og baseball bat sa Barangay Bulua, patay!
GITUOHANG-GIBUNALAN-PATAY og baseball bat ang usa ka lalaki sa Barangay Bulua ning ciudad!
Naila ang biktima nga si Rodel Paclar, 49 anyos ug ulitawo.
Matud sa pag-umangkon nga si alyas Gigi nga ulahing nakita nga buhi ang biktima sa Zone 8 sa susamang Barangay.
Naka-angkon og bun-og sa agtang ang biktima ug napalgan sa ngitngit nga bahin, distansya sa gipuy-ang balay.
Una nang adunay kabikil ang namatay mi-aging semana.
Apan wala masayri o maila sa kabanay ang naka-engkwentro.
Gipahiluna na ang lawas sa biktima sa pribadong punerarya sa ciudad samtang nagpadayon ang imbestigasyon sa Police Station 7, Bulua.
Hisayran nga kanhi piniriso ang 49 anyos.
“…naa silay nakuha nga ka ng murag siyag kahoy bitawa nga murag porma ug battle bat sa baseball. Oo, Pero wala kaayo mi nakaklaro kung unsa’to siya kay kuan man kay gi tabunan naman siya ug kanang bulsita ba, ang nagdala dala ato ang pulis. Kana man gud siya atong mga niaging semana naa siyay kaaway ba. Pero wala mi kabalo og nagka bikil. Pero wala may kabalo kung taga asa ug si kinsa iyang nabikil.So, ang mga silingan mao sad ilang gidudahan nga murag maoy siguro’y ni balos ba nga kana nahitabo sa iyaha karon…”
alyas Gigi, pag-umangkon sa biktima
SOURCE: SR LIVE
Photo: CTTO
