Barangay Carmen Kapitan Uy, nasubo sa pagpagawas sa mga Kongresista sa iyang abogado!
GIKASUBO ni Brgy. Carmen Kapitan Kikang Uy ang pag-pagawas sa mga Kongresista sa iyang abogado atol sa imbestigasyon sa Committee on Suffrage and Electoral Reforms sa kamara kalabot sa pagsaka sa ihap sa bag-ong registered voters sa Barangay Carmen.
Matud ni Kapitan Uy nga subo tungod wala gipatubag ang iyang abogado ug wala nahimong patas ang pagdungog.
“..ang nag-represent sa atoa is ang atong lawyer sa disqualification case, atleast si Atty Geñoso nabal an niya tanan unsay mga tubag namo atong disqualification case sa comelec kanako so subo lang kay wala man siya gipatubag, wa man siya gipatingog ug gipagawas, subo lang kaayo kung mahimo unta patas. dapat patas dapat nga fair play…”
Brgy. Carmen Kapitan Kikang Uy
Una niini, gi-kwestyon ni Lanao Del Sur 1st District Representative Zia Alonto Adiong ang representasyon ni Atty. Allan Geñoso alang kang Kapitan Uy tungod sa pagduda nga matubag niini ang mga pangutana kalabot sa Barangay Carmen tungod dili kini trabahante o residente sa Barangay ug legal counsel lamang sa Kapitan.
Rason ni Atty. Geñoso nga mi-representar kini alang sa petisyon sa diskwapilikasyon nga gi-file sa COMELEC batok kang Kapitan Uy.
Tubag usab ni Congressman Adiong nga dili diskwalipikasyon batok sa Kapitan ang gidungog ug posibleng sayop nga forum ang nasalmutan ni Geñoso.
“Adiong:….So if you cannot answer my questions, questions of all this rumors anong importance mo dito as a lawyer. This is not criminal proceeding, this is in aid of legislation, I would like to ask you are you competent to answer questions pertaining to the status of the Barangay Carmen. gusto ko lang malaman Mister Chair kasi hindi natin ito i-allow next time kung sino yung halimbawa si Attorney Spencer ni-represent niya yung ano payag ako dahil OIC siya he know the in and out of his office but in this case are you connected with Carmen
Geñoso:..no your honor
Adoiong:..see that’s my point, I have several question I would like to ask about Barangay Carmen. Dapat pumunta dito yung Kagawad o yung treasurer man lang nila, I think your attending the wrong forum..” Lanao Del Sur 1st District Representative Zia Alonto Adiong ug Atty. Allan Geñoso legal Counsel ni Barangay Kapitan Kikang Uy.
Photo: House of Representatives of the Philippines
