Balor 270 million pesos nga pondo sa pagkolekta sa basura sa ciudad niadtong 2024, gikwestyon ni Councilor Achas!
GIKWESTYON ni 20th City Council Minority Floor Leader Councilor Ian Achas kung gi-unsa og gamit sa City Local Environment and Natural Resources Office kon CLENRO ang 270 million pesos nga pondo sa pagkolekta sa basura niadtong 2024!
Human nasuta nga walay budget sa basura ang 77 ka barangay sa dakbayan.
Matud ni Councilor Achas nga balor 103 thousand pesos ang gigahin ni Mayor Rolando “Klarex” Uy sa matag barangay.
Apan wala mi-reflect sa Annual Investment Plan kon AIP.
Gidugang sa Konsehal nga kung sumahon mokabat sa 8 million 240 thousand pesos ang kinatibuk-ang kantidad nga magasto aron ma-apod-apod sa 80 ka barangay.
“…kung imong tan-awon walay budget ang 77 barangay or they leave it blank nagpa aghat sa akong pangutana kung giunsa nila og gamit ang atong 270 milyon nga pondo para sa tuig 2024. gani naa lang ko’y pipila ka pangutana niini nga nag-ingon gi unsa paggamit ang 270 milyon nga gani kung naggahin ang atong mayor og 103 milyon matag barangay pero apan wala ni reflect sa AIP ka ila mang giblangkuhan ang AIP they Leave it blank. it means zero ang pag- allocate niini aha kuhaon ang 103 thousand matag barangay kung i-multiply sa 80 ka barangay mukabat kini sa 8.2 milyon kapin, Aha pod kuhaon ang two pesos nga insentba matag kilo nga makarga sa barangay nga basura nga ihatod sa landfill, mao kini ang mga pipila lamang ka mga pangutana na mahatagan untag katin awan kabahin niing atong status na sa atong koleksiyon sa atong basura…”
20th City Council Minority Floor Leader Councilor Ian Achas
SOURCE:CDEOCITYCOUNCIL
Photo: Armen Aviola Cuenca
