19-anyos nga babaye sa Tagoloan, Misamis Oriental, gituohang gilugos-patay!
GITUOHANG gilugos-patay ang usa ka 19-anyos nga babaye sa Sitio Dinogon, Barangay Sta. Ana. Tagoloan, Misamis Oriental kaganihang buntag!
Biktima giilang si Lady Grace Galo.
Nagtuo ang igsuon sa biktima nga ang laborer nga nagtrabaho sa ubos nga bahin sa ilang panimalay ang milugos sa ilang igsuon.
Tungod dugay na kini’ng nagpadayag nga nakagusto kini sa biktima.
Gawas usab adunay nakuhang ebidensya nga nagtumbok sa suspek, pinaagi sa gloves nga nabilin sa crime scene ug giingong nakita nga nagsunog og sanina.
Gidugang pa nga ang igsuon lamang nila ang ana-a sa panimalay sa pagkahitabo sa insidente.
Gituohan usab ng dili lamang usa ang mibuhat sa krimen.
Kasamtangang ana-a sa kustodiya sa Kapulisan ang unom ka mga trabahante aron masuta kung kinsa ang mibuhat sa pagpanglugos.
“…katong trabahante sa ubos nga ga regards-regards niya kay naa may last time nga gihatdan siyag pisa sa iyang uyab, giingnan siya sa trabahante nga ayaw nana imung uyab uy ako nalang…”
Tipik sa pamahayag sa igsuon sa biktima nga gituohang gilugos-patay sa Sitio Dinogon, Barangay Sta. Ana Tagoloan Misamis Oriental.
Samtang, gibutyag sa amahan sa biktima nga si Rodrigo Galo nga una kini mipaingon sa trabahoan nananghid ang anak nga magpalit og pagkaon sa tindahan ug posibleng gisundan kini sa suspek pauli.
SOURCE: SRLIVE
Photo Source: SRLIVE
