18-anyos nga lalaki nga giingong naanod sa suba sa Iponan, padayong gipangita sa PCG!
PADAYONG gipangita sa Philippine Coast Guard kon PCG ang usa ka 18-anyos nga lalaking gituohang naanod sa suba sa Bolao, Barangay Iponan ning ciudad kagahapong adlawa!
Biktima giilang si Vincent Racuya, 18-anyos.
Matud sa mga igsuon sa biktima nga nag-inom sila ug nakadesisyon nga mangisda.
Hinungdan nga mitabok sila sa pikas daplin sa suba.
Apan giingong na-kraman ang biktima rason nga wala kini makapugong sa kakusog sa bulhog sa tubig.
Hinungdan nga na-anod, nakasinggit pa ang biktima og tabang apan wala na kini matabang sa mga igsuon.
“..nag abot nami tulo, siya ray wala katabok. Wala siya ka sungko mao to na cramman siya, pag pangayo niyag tabang mao tong pag kuan nako, gi layatan pod nako siya unya kay lalom paman..”
Ang tipik sa pamahayag sa mga igsuon sa biktima
Hisayran, magpadayon ang PCG sa pagpangita sa biktima karung adlawa.
LIVE REPORT SA AREA #16-Genard Ganapin
SOURCE:SRLIVE
Photo: SR FILES
