Rekomendasyon sa House Quadruple Committee nga kasuhan silang Senators Dela Rosa, Go ug FPRRD gilauman na!
GILAUMAN na ni Senator Ronald “Bato” Dela Rosa ang rekomendasyon sa House Quadruple Committee nga kasuhan kini kauban silang former President Rodrigo Duterte ug Senator Christopher Bong Go!
Kalabot sa giingong extrajudicial killings ubos sa anti-drug war.
Matud ni Dela Rosa nga ang lakang nga kasohan sila kabahin sa planong guba-on ang mga Duterte ug ang ka-alyado niini ilabina nga nagkaduol ang eleksyon.
Samtang, andam si Senator Go nga atubangon ang kaso apan kinahanglang pasagdan ang katawhan nga mohusga kung nagmalinawon ug maayo ang pagdumala sa administrasyong Duterte.
Taliwala sa isyu, gisiguro ni Go nga magpadayon sa pag-serbisyo sa nasud ug magduso og mga lakang alang sa maayong kinabuhi sa mga Pilipino.
SOURCE: UNTV
Photo:NewsWatch Plus
