Lalaki nga anaa sa computer shop sa Barangay Lapasan ning ciudad, gidunggab-patay!
GIDUNGGAB-PATAY sa wala mailang suspek ang usa ka lalaki sa Zone 3, Kolambog, Barangay Lapasan ning ciudad!
Biktima giilang si Glenn Paul Sitoy, 19-anyos ug residente sa Barangay Camaman-an ning ciudad.
Base sa inisyal nga nakuhang impormasyon nga anaa sa computer shop ang biktima apan kalit lamang kini nga gidoolan sa usa ka lalaki ug gidunggab.
Samtang, pabiling blanko ang pamilyang Sitoy sa kamatayon sa biktima.
Matud ni Aldren Sitoy, amahan sa biktima nga dugay nang wala magpuyo ang anak uban kanila.
Human mananghid nga motrabaho.
Sutaon sa amahan karon ang nadawat nga chat sa anak nga nagbutyag nga “ingon bitaw ko nga undangi na-na, karon gi-unay ra gihapon ka sa imong kauban ”.
Singgit sa pamilyang Sitoy nga mahatagan sa hustisya ang kamatayon sa biktima.
SOURCE: SRLIVE
Photo Source: SRLIVE
