Karambola tali tulo (3) ka sakyanan sa Laguindingan, Misamis Oriental, usa kritikal ug tulo (3) patay!
DEAD on arrival ang tulo ka tawo ug usa kritikal!
Human sa karambola tali high-ace Van, pick-up ug tricab sa National Highway, Purok 1 Mauswagon, Laguindingan, Misamis Oriental.
Biktimang patay nga pulos sakay sa van naila nga silang Bernabie Doque, 68-anyos, Renante Patitik, 42-anyos ug Tita Escoro 61-anyos.
Giila ang driver sa Van nga si Sonny Jun Tobias Jr., 58-anyos, residente sa Barangay Lantian, Labangan, Zamboanga del Sur, naila ang driver sa pick-up nga si Arnold Ibasan 58 anyos ug lomolopyo sa Brgy. Dalipuga, Iligan City, Lanao de Norte, samtang, giila ang driver sa tricab nga si Clifford Jey Casiris.
Gidala ang napulo ka pasahero sa Van sa balay-tambalanan diin tulo ang gideklarar nga dead on arrival.
Naka-angkon usab og minor injury ang mga sakay sa pick-up lakip ang driver samtang usa samaran sa tricab nga susamang gidala sa balay-tambalanan.
Base sa inisyal nga imbestigasyon, naggikan ang Van sa direksyon sa Cagayan de Oro City ug paingon sa Iligan City, samtang paingon ang pick-up ug tricab sa Cagayan de Oro City, apan pag-abot sa lugar sa insidente nawad-an og control sa manibela ang driver sa Van tungod sa kakusog sa dagan hinungdan nga nakatabok kini sa pikas lane ug mibangga sa pick-up nga miresulta nga mibangga sa tricab.
Matud ni Laguindingan Municipal Police Station Investigator On-Case Police Master Sergeant Joe Carlon Trinchera nga naghulat pa kini sa desisyon sa pamilya ug mga biktima nga nalambigit sa insidente.
Kasamtangang, nakakustodiya sa Kapulisan ang driver sa Van.
“..kining vehicle 1 high ace van nag biyahe ni siya heading pa iligan City pag-abot na sa Lugsungon na-lose control siya sa manobila didto siya gi paingon sa opposite lane nga maoy naigo niya ning vehicle 2 kining high pick-up navarra, pag loose control tabok siya didto lugsungon man ni tabok siya mao tong hinundan sa impact na igo pod ang kadtong baja nga motor. Ga hulat pa sa mga concern mga biktima regarding ana pero ongoing na ang paper sa mga report..”
Laguindingan Municipal Police Station Investigator On-Case Police Master Sergeant Joe Carlon Trinchera
SOURCE: P.I/27
Photo: SRFiles
