Kalambigitan ni former President Duterte sa illegal operation sa POGO, walay igong ebidensya sigun sa DOJ!

GIPAMUGOS sa Department of Justice kon DOJ nga wala’y igong ebidensya nga nalambigit si former President Rodrigo Duterte sa illegal nga operasyon sa Philippine Offshore Gaming Operators kon POGOs sa nasud!
Matud ni Justice Undersecretary Nicholas Felix Ty nga base sa ilang imbestigasyon wala silay nakitang bisan unsang ebidensya nga maglambigit sa kanhing Presidente.
Giinsister sa opisyal nga dili igo ang connection ni Duterte sa pipila ka individual nga gituohang nagpaluyo sa nasangpit nga illegal nga binuhatan sama ni Michael Yang, nga nagsilbing Presidential adviser ubos sa administrasyon.
Dumduman nga atol sa final Senate hearing sa POGO operations niadtong Nobyembre, gi-presentar ni Senator Risa Hontiveros ang matrix sa individuals nga giingong migamit sa gambling industry alang sa kaugalingong interes.
Una nang gibutyag sa Philippine Amusement and Gaming Corporation kon PAGCOR nga wala nay POGO sa Pilipinas sa katapusan ning tuig.

SOURCE: GMA NEWS
Photo Source: RAPPLER