Kahimtang ni Brazillian President Lula da Silva, stable na human mipailawom sa brain surgery!
ANA-A na sa stable nga kahimtang si Brazillian President Luiz Inacio Lula da Silva!
Human mipailawom sa brain surgery tungod sa mibagtik nga dugo sa utok nunot sa pagkahulog niini sa kaugalingong panimalay niadtong ulahing bahin sa Oktobre.
Padayong gi-monitor ang kahimtang sa 79-anyos nga Presidente sa Intensive Care Unit kon ICU sa Siro Libanes hospital.
Mipaubos si Lula og MRI niadtong Lunes sa gabii sa Brasilia human nakasinati og grabeng pagsakit sa ulo.
Dumduman nga mipailawom ang Presidente og test niadtong Nobyembre apan base sa resulta nagpabiling stable ang condition.
SOURCE:CNN NEWS
Photo Source: REUTERS
