Head on nga panangbangga sa motorsiklo ug Cargo Truck sa National Highway, Purok 1, Barangay Daan-Lungsod, Gingoog City, motorsiklista patay!
Dead on Arrival ang usa ka motorsiklista human sa head on nga panangbangga sa gimanehong motorsiklo ug Cargo Truck sa National Highway, Purok 1, Barangay Daan-Lungsod, Gingoog City!
Naila ang driver sa motorsiklo nga si Edwin Malag Jr., 44 anyos taga Purok 5, Brgy Tinabalan, Gingoog City samtang ang driver sa Cargo Truck naila nga si Gaudencio Nambatac Nahial Jr., 56 anyos taga Purok 3, San Vicente, Magsaysay, Misamis Orientatal.
Matud ni Gingoog City Investigator on Case Police Senior Master Sargent Arnel Neri Odal nga nagbiyhai ang motorsiklo west to east kon Butuan Road direction ug pag-abot sa nahitaboan sa insidente giingong misugat kini sa dalan sa katagbo nga Cargo Truck nga nagkarga og bagul paingon sa Medina.
Bisan nag flash sa headlight ug na-serbato ang driver sa Cargo aron mapahibalo ang motorsiklista apan pakyas.
Aron malikayan ang disgrasya mi-counter ang truck sa dalan sa Butuan ug wala damha nga susama usab ang gihimo sa motorsiklista rason nga nag-abot sila sa center lane ug nabangga.
Naka angkon sa samad sa ulo ang driver sa motorsiklo ug nadala sa hospital sa Giingong City apan gi-deklarang DOA.
SOURCE:SBSU
Photo Source: MISAMIS ORIENTAL PROVINCIAL HOSPITAL GINGOOG CITY
