Gapamaligya og pabuto online, gi-monitor sa RCB!

GI-MONITOR sa Regulatory Compliance Board kon RCB ang mga gapamaligya og pabuto online!
Matud ni RCB Inspectorate Team Leader Tonton Resma nga
nakig-koordinar sila sa kapolisan alang sa ipahigayon nga random buy bust operation.
Gisiguro sa buhatan nga adunay igong permits ang sellers ug nakasubay sa gabayan aron mahimong luwas ang katawhan nga mogamit sa pabuto.
Gi-aghat ang katawhan nga sa physical store lamang mopalit og pabuto.

“…naa tay mga na monitor nga mga gabaligya online in close coordination pod sa atong kapulisan, ga conduct kita og mga random nga mga buy bust operation niana kay ang atong mang gyud diha nga ma-insure lagi nga kanang ginabaligya nila naa gyud silay proper permits ato pod gi proteksiyonan ang atong mga negosyante nga nikuha pod og mga permits dinhi sa dakbayan and of course naa mana mga bayronon pod para pod makakita sila or maka-income ato pod silang proteksiyonan dayon kaduha ana wala ta kabalo asa ang mga source ang nga mga pabuto anang mga gabaligya online, na check ba na sa DTI? naa ba na siyay PS mark or Philippine standard mark kay posible mang god naa poy listahan ang DTI sa PS marks na naa gali insidente nga last year renewed pa sila pero taman ra October 2024 ang ilahang license. Ang ato nga dili na siya mabaligya karon sa kamerkaduhan o sa publiko kay na-expire naman, naay rason pod ngano na-expire na posible siguro nga diha ra gayod ang iyang life span anang mga pabuto..”
RCB Inspectorate Team Leader Tonton Resma

SOURCE: P.I/#27
Photo: Dynamic Fireworks